سعودياااات .... وشيء من جامعاتنا

بسم الله الرحمن الرحيم

السلام عليكم ورحمة الله وبركاته..

هلا فيكم ومرحبا..وحياكم الله..



في أوقات كثيره أحس أنا السعوديات غير مرغوب بنا في هذه الدنيا أو أنهم من كوكب آخر..

فمن ناعق في هذه البلاد ينعق بأننا مجتمع يتنفس برئه واحده إلى ناعق آخر خارج هذه البلاد ينعق بأننا أشباح في زمن المرأة فيه تملى الفضائيات..




الحمد لله أني مو سعودية!!





قرأت هذه الجمله في مواقع عده تعليقاً على إيقاف الدوري النسائي لكرة القدم التابع لجامعة محمد بن فهد بالشرقية والتباكي على حالنا كسعوديات مضطهدات من قبل الرجال..


وهذه بعض التعليقات التي قرأتها وأثارت تعجبي وحنقي على من كتبها :

[ـ انا لم ارى بحياتي متخلفين مثل السعوديين , وكأنهم عايشين في القرن السابع , الى متى هذا التخلف ؟؟؟؟؟؟؟؟؟
ـ مو المشكله بهذا الموضوع وبس المرأه السعوديه مسجونه من المجتمع مهما حاولو لن تخرج من سجنها.
ـ الحمدللة اني عمانية فلو كنت سعودية لكنت منتحرة من يوم انولدت لا سيارة ولا رياضة ولاطلاعة واللة مسكينة البنت السعودية اللة المستعان.
ـ الحمدلله اني سورية...حريتي الشخصية ماحدا بيقدر يقرب عليا غير ولي امري...وقريبا رح طلع شهادة سواقة لا تزعلوا يا سعوديات مصيركن تتحررو.
ـ من قال ان السعوديات حفيدات الصحابه حفيدات الصحابه في بلاد مصر والشام والعالم شرقا وغرب لان الصحابه خرجو من الجزيره وهاجرو ولم يبقى الا القليل بالحجاز وانتم من نجد احفاد العرب الجاهليين.
ـ المرأة في السعودية من البيت الى القبر . هذا ما يريدون لها الشيوخ
ـ يعني ايه لاتقود سياره والا يلعبو سله والايقودو بسكليت ليه البسكليت غير مضر بالبيئه بالعكس هو مفيد والله قلبي يغلي عندما اسمع هذه الحكايات وعن الحرمان الذي تعيش به نساء السعوديه الله يساعدكم الله يهديكم الى الحق ابحثوا عن الحق تجدووه انتم بعيدين عن الحق حاليا]...أه..


وأنا لا أدري هل هم جهلاء بحالنا أو يتجاهلون أم هم أغبياء بحيث يظنون أن العائق بيننا وبين التقدم هو الإنحلال من ديننا وحجابنا هل بيني كسعودية وبين صناعة القنبلة الذريه العباءة صراحه سؤال أتمنى أن يجيبوني عليه.


وأنا هنا لا أنفي الخطأ الذي نقع فيه في هذه البلاد من هضم لحقوق بعض النساء لكن لا يصل إلى درجة رمي الإسلام أو الوهابيه كما يدّعون بأنها تحسر المرأة في جانب مظلم من البيت تعيش فيه تحت ظل الرجل ولا شيء غير ذلك .

وسؤال آخر ماذا فعلت النساء في الدول الخليجية المجاورة عندما نزعن الحجاب هل وصلن القمر؟!


في المقابل ريم الطويرقي تحصل على جائزه عالمية في تخصص دقيق وهي بالنقاب لماذا ريم لم تترك المنافسه الدوليه وتطالب بحقوقها في قيادة السيارة مثلاً... لأنها علمت أنها خلقت لغايه أكبر من القيادة السيارة.


سطر التاريخ لنا أسماء عائشة وأسماء وزينب وآسيه ومريم بأحرف من نور وسيسطر أيضاً اسم ريم بأحرف من نور لأنهن آمن بالله ورضين بحكمه لهن ...

وأنا كسعودية مسلمه أتمنى أن لا يسجل اسمي في التاريخ على أن يسجل امامه لقب ممثله أو أول قائده سيارة سعودية ..إلى آخر الألقاب مسطره بأول!





فقط هذا غيض من فيض ..

ــــــــــــــــــــــــــــــــــــــــــــــــــ ـــــ

واجمعتاااااااااااااااااااااااااااه

طالبين غاشين من بعض..نفس الاجوبه وبنفس الترتيب ..
بس واحد ينجح وواحد يرسب
.
.
طالب مجتهد بالماده..بس بكل مره يلقى درجه انزل من الثانيه..
لما قربت الاختبارات النهائيه..كان طبعا من سابع المستحيلات نجاحه..الا ان كانه بيجيب العلامه الكامله على الورقه.
فجاه يجيه استاذه المصري ويقول له انا مستعد انجحك بالماده وارفع لك معدلك فيها..بس بشرط تجيب لي ساعة رولكس ( يعني كل حركات التنزيل في الدرجات من بداية التيرم..هذي كلها عشان يجبره على الرولكس في النهايه )
.
.
طالب جاه قبول في جامعة الملك سعود..وبنفس الوقت فكر في الدراسه برا..وعلى ماتكمل اجراءاته واوراقه..قال بدرس هالتيرم في جامعة سعود عن الفضوه
ويدخل ذاك اليوم القاعه الا ويقولون اختبار..طلع قلم وقام يسولف بالورقه بخرابيط مالها علاقه بالماده ( عن قولة كتبت يعني ).. سلم الورقه..وتفاجا بنجاحه بالماده وبمعدل مرتفع

سحب ملفه بعد هالموقف وقال كلمته الشهيره ( لابوكم لابو اللي يدرس عندكم )
.
.
دكتوره تجبر طالباتها يجمعون قطه عشان يشترون لها خاتم الماس
ومو اي الماس الادميه صارت خبيره
واللي مايقط ولا يدفع في هالالماس..راح يرسب
.
.
دكتوره ترتيب المعدل عندها حسب عائلتك وشو
اكبر عائله A+
واللي بعدها تصير A واللي بعدها B+ وبعدها B ...الخ
.
.
طالبتين دخلو الاختبار..وحده داخله على انها راسبه لانها مستحيل تنجح حتى لو جابت العلامه الكامله بالورقه..
والثانيه داخله وضامنه النجاح بس اللي بيفرق معها المعدل ووشو
الاولى سلمت الورقه فاضيه واكتفت بمجرد كتابة الاسئله مره ثانيه على ورقة الاجابه..تضيع وقت
والثانيه اجتهدت وحلت وطلعت على اساس ضامنه نفسها..
الاولى نجحت..والثانيه رسبت
ياللهول خخخخـ
.
.
طالبه تفاجأت في رسوبها في الماده..وراحت تتاكد من الدكتوره..وش ردت ست الحسن والجمال ؟
تقول ادفعي 5000 عشان تشوفين ورقتك وتتاكدين منها
.
.
دكتوره وقت الاختبار تلقونها تاركه القاعه تردح وكل بنت تغش من الثانيه وهي هناااااااااااك باول القاعه تشتغل باوراق معاها..والعالم قالبينها سامريه وغش وغشغشه يعني الاجوبه متشابهه وبالنهايه كل القاعه رسوب الا كم بنت هي تحبهم
احسها تقول في نفسها غشوا بكيفكم لان الي ناجحين حاطتهم في جيبي من غير ماطالع الورق
.
.
بنات في المستوى الاول..يعني توهم داخلين جامعه ولسا هيبتها صاكه روسهم
تجي درجاتهم بعد الاختبار الاول كلها نازله..
يقولون للدكتوره ان الاسئله كانت صعبه وكانت فوق مستواهم..
ردت الدكتوره.."انا قاصده هالشي لاني ابي تشوفون الصعوبه و بعضكم ينسحب من القسم لاني بقلل عددكم..مو معقولين انتم مره عددكم كبير..ماقدر اعطي ابدا ابدا بهالشكل يابنات "

.
.
طاقم التدريس كله على الاداره يعاملون الطلاب والطالبات بفوقيه مالها حد..
بالتالي الحذف والاضافه فيها مشكله ..النجاح فيه مشكله..المعدل فيه مشكله..وكله يمشي بالواسطه
.
.
دكتور ينجح طالب من غير حتى مايحضر والضريبه هي تذكرة سفر لديرته مدفوعه مقدما
وبالمقابل يرسب طالب عشانه حافي منتف وفهمه على قده ..لاقدر يفهم تلميحاته ولاهو اللي قادر يشتري لو فهم
.
.
بنت ناجحه بالماده..بس الكمبيوتر مسجل لها رسوب(تخبيط كمبيوترات الجامعه)
ومشت على البنت انها راسبه..وعادت الماده..وبعدين اكتشفت انها ناجحه من البدايه..!!!
.
.
كل هذا واكثر..مشاهد (للاسف) من جامعتنا
تجاوزات كثيره تحصل في الجامعه من الدكاتره والدكتورات..مواقف كثيره تحس فيها بالظلم والاجحاف..ماكأننا في جامعه جايين ندرس ونتعلم..كنك في حرب لازم خطه ولازم تكسب خصمك ولازم اسلوب (اللواقه)مع الدكتور والدكتوره..باختصار عطهم جوهم عشان تنجح وتجيب اعلى المعدلات..
الجامعه كذا ماشيه..بهذا النظام..مافيه احد ينجح بقدراته وكفائته..الا ان كانك طحت في من رحم ربي(عدد قليل قليل من الدكتورات والدكاتره )
.
.
اقول هالحكي وانا بجد ضايق صدري جامعة عريقه ومعترف فيها مثل جامعة سعود..يكون هذا مستوى التعليم عندها؟!!!!
شفتوا كم ترتيبنا بين جامعات العالم؟!!!! تعرفون انها احتمال يبطلون يعترفون فيها بعدين..وجاها انذار ماعرف كم مره ..!!!!!
هالشي مايضيق الصدر؟!!!!
وزارة التعليم العالي وينها عن كل هذا؟!!!!

ياناس جاااااااااااامعه..تخرج منها دكاتره ودكتورات وموظفين واطباء و و و
معقوله هذا مستواها؟!!!!
الدراسه فيها بالدف..كل شي فيها يمشي برضا الدكتور..اذا الدكتور راضي عنك فانت ناجح بمعدل عالي واذا هو مو راضي فانت راسب مع مرتبة الشرف؟!!!

لافيه ذمه في طريقة التدريس..
لافيه اخلاص في التعامل والتعليم عموما..
هدفهم تحطيم الطالب مو دفعه للامام..
كثير عيوب كثير كثير كثير..بمل وانا اتكلم عن هالشي..لكن الكل شايف والكل فاهم والمشكله اننا بعدنا مكانك سر




ودمتم بخير وعافيه ودامت السعودية شوكه في خاصرة الأعداء

موت وميلاد, أسعد الله صباحك بكل خير,
طرح شوقني بقراءته حتى أكملته إلى الأخير, ووجدت تطرقّات كثيرة فيما ذكرت, ولكن سأتطرّق
فيما ذكرت أولاً عن المرأة السعوديّة وعن إحتكارها مثلما ذكر الأخوة العرب من سائر البلدان المجاورة.
أكدت مصادر أجنبيّة قبل عامين أو أكثر بأن المراة السعوديّة هنّ أجمل نساء العالم, وأعتقد بأن ذلك
المقال قرأ وإنتشر, فأعتقد أن ذلك يملئُ أعين الحاسدات أو الغائرات مثلما قيل. أي بمختصر شديد
الفتاة السعوديّة هي التاج المرصّع لجميع النساء في أنحاء البلدان العربيّة والغربيّة.

أما عن الدراسات ومصالح المعلمين من الطلبة فهذا يعتمدُ على المعلم وإخلاصه, كثير منّا وقع بمعلّم
يطلبُ مثل هذه الطلبات وأنا إحدى الطلبة الذين سمعوا بما طلب المعلّم, ولكن لاحياة لمن تُنادي.


موت وميلاد, موضوعك جداً حسّاس زيادةً على روعته, وتُشكر عليه.

المشاركة الأصلية كتبت بواسطة صائد الطرائد

موت وميلاد, أسعد الله صباحك بكل خير,
طرح شوقني بقراءته حتى أكملته إلى الأخير, ووجدت تطرقّات كثيرة فيما ذكرت, ولكن سأتطرّق
فيما ذكرت أولاً عن المرأة السعوديّة وعن إحتكارها مثلما ذكر الأخوة العرب من سائر البلدان المجاورة.
أكدت مصادر أجنبيّة قبل عامين أو أكثر بأن المراة السعوديّة هنّ أجمل نساء العالم, وأعتقد بأن ذلك
المقال قرأ وإنتشر, فأعتقد أن ذلك يملئُ أعين الحاسدات أو الغائرات مثلما قيل. أي بمختصر شديد
الفتاة السعوديّة هي التاج المرصّع لجميع النساء في أنحاء البلدان العربيّة والغربيّة.

أما عن الدراسات ومصالح المعلمين من الطلبة فهذا يعتمدُ على المعلم وإخلاصه, كثير منّا وقع بمعلّم
يطلبُ مثل هذه الطلبات وأنا إحدى الطلبة الذين سمعوا بما طلب المعلّم, ولكن لاحياة لمن تُنادي.

موت وميلاد, موضوعك جداً حسّاس زيادةً على روعته, وتُشكر عليه.

الروعه هو ردك والجميل هو حضورك هنااا صائد الطرائد شكرا لك لثنائك على شخصي المتواضع

المرأه السعوديه امرأه محسوده من الجميع لما ميزها به الله سبحانه وتعال من حسن وثقافه ودين وأخلاق

فلا عجب ان يثيروا حولها الفتن


اما للتدريس في بلادنا حدث ولاحرج بعض المدرسين يدرسون مواد مايعرفون فيها ولا ملمين بكل مافيها وطريقة تدريسهم خاطئه واغلب معلوماتهم خاطئه



يعطيك الف عافيه موت وميلاد

ودائماً مبدع ننتظر جديدك

بسم الله الرحمن الرحيم

اخووي شكرا على هالموضوع اللي يخلي الدم يغلي بالعرووق واؤيدك بكل حرف كتبته فالحجااب ليس عائقا والسواقه وان كانت مطاب لكل سعووديه ولكن لو نظروا للمراءه الاجنبيه تتمنى تكون مخدومه كالسعوديه المسلمه فبمجرد انها تسطيع السواقه هذا يجعلها مسئووله عن مشاوير كثيرره منها جلب الاغراض والتوصيل الاطفال . واعتقد بهالطريقه يرتاح الرجل من اعباء كثيره ومسئوليات يتمنى اليوم قبل بكره ينفك منها ولكن بالمقابل المراءه الاجنبيه الغنيه ماتسوق بالعكس تجيب سواق وسياره فاخره عشان تنخدم مثلها مثل المراءه السعوديه . وافتخر اني سعوديه مسلمه لرغم مالدي وماافتقده.

اما عن جامعاتنا فاصاابعك مو سواء وماانكر وجود مثل هالحالات ولكن لاتشكل كل الجامعاات ولا كل الاقسام وللاسف نحن واقصد بنحن السعوديين طمعنا فينا اعضاء هيئه التدريس الاجاانب وخليناهم بشكل او باخر يتماادوا ويحققوا احلامهم على اكتافنا ولكن حسبنا الله ونعم الوكيل في هالعينه من الاعضاء التدريس اللي استغلوا العلم وخلووه سلعه تنباع وتشترى وباسلووب لايليق بالعلم اللي رفع قدرهم رغم اننا مستحملين طرق تدريسهم الهداامه وسوء اخلاقهم وتعاليهم.


وفعلا اللي يموتنا قهر ترتيب جامعااتنا بين جامعات العالم وفعلا شي يكسف ولاتعليق اكثرر .

اخووي سلمت يمناك على هالموضووع ولاتحرمنا من جديد قلمك . ودمت بوود.